霑哥又教識我，原來世上無難事，只怕有心人。

今日，我又企響台上面，已經冇霑叔教我講
o野，但我已經冇咁驚。因為，霑哥雖然離開o左我地，佢放o左入我袋o既o野，我會永遠都袋得好實好實。我學唔到霑哥o既才華同天份，不過我會永遠記住佢?態度同精神。

霑哥做過手術之後，唔方便游水，但係佢鍾意海，我地仍然會坐船出海，傾下偈，吹下風。有次在黃昏歸途上，佢同我講︰「Jack，活著就係精彩，我每一日都係賺翻o黎架。」霑哥就是熱愛生命、愛香港、愛朋友。
佢又話︰「朋友，要無事常相見」。

近兩個月，我同霑叔少見一陣，就收到佢「往生淨土」o既消息。唉，霑哥又教識我，要珍惜身邊o既人。

可惜，呢次係佢最後一次塞o野入我袋o勒。

不過，霑哥，你放心啦。你留低咁多o野俾我地，我地會珍惜的，我地係「叻仔o黎架」，我地會「俾心機」，我地會

黃霑精神，半個世紀以o黎，帶領住香港創作事業，為香港文化開拓新領域。今後，我地一定會緊隨你o既笑聲，翱翔到更高更遠。 多謝大家。